|
– „108. Ёки Пайғамбарингиздан, илгари Мусодан сўралган нарсаларни сўрашни истайсизми (эй мўминлар)? Ким имонга куфрни алмаштирса, албатта тўғри йўлдан адашади. 109. Аҳли китобларнинг кўпчилиги сизларни, имонли бўлганингиздан кейин (яъни ҳозир), уларнинг ўзларига ҳам ҳақиқат очиқ равшан бўлганидан кейин ҳасад қилганлари сабабли куфрга қайтаришни истайди. Бас, Аллоҳнинг фармони келгунича уларни афв қилинг ва кечиринг. Албатта, Аллоҳ ҳар нарсага қодирдир. 110. Намозни тўкис адоқилинг ва закотни беринг! Ўзингиз учун нима яхшилик қилган бўлсангиз, уни Аллоҳ ҳузурида топажаксиз. Шубҳасиз Аллоҳ қилган амалларингизни кўриб тургувчидир“. [2:108-110]
Аллоҳ Таоло бу оятларда қуйидагиларни баён қилади:
1- Аллоҳ Пайғамбар с.а.в. ва мўминларга хитоб қилиб, сизлар яҳудлар Мусо а.с.дан сўраган нарсаларни пайғамбарингиз Муҳаммад с.а.в.дан сўрамоқчи бўляпсизларми, деяпти. Улар ўзларининг имон келтиришлари ёки мўминликларида давом этишлари учун бир неча ишларнинг амалга ошишини шарт қилишганди. Масалан, Аллоҳни очиқ кўриш ёки уларга ҳам кофирларникига ўхшаган худолар қилиб берилиши каби ишларни сўрашганди. Шундан сўнг Аллоҳ кишининг имон келтириш ёки мўминликда давом этиш учун бир неча ишларнинг амалга ошишини талаб қилиши куфр эканини айтяпти. Бу иш имонни куфрга айлантириб юборади. Ким шу ишни қилса, тўғри йўлдан, ҳидоятдан озиб, куфр ва залолат йўлига қадам босибди.
(أَمْ ёки) ҳарфи мунқатиъдир. (Ёки сўзи ўзидан олдинги гапга алоқадор бўлса, муттасил яъни, боғланган, туташган бўлади. Агар ўзидан олдинги гапга алоқадор бўлмаса, мунқатиъ яъни, ажралган, узилган бўлади). Негаки ундан кейинги хитоб кўплик шаклида келяпти. (Хоҳлайсизларми) Ундан олдинги гап эса бирлик шаклида келганди. (Билмайсизми) Модомики, у мунқатиъ экан, демак, балки ва сўроқ маъноларини англатади. Шунга кўра,
أَمْ تُرِيدُونَ أَن تَسْأَلُواْ رَسُولَكُمْ
(ёки Пайғамбарингиздан сўрашни истайсизми) ояти балки пайғамбарингиздан сўрамоқчи бўлаётгандирсизлар, деган маънода.
يَتَبَدَّلِ الْكُفْرَ بِالإِيمَانِ
(Ким имонга куфрни алмаштирса). Яъни, имонни тарк қилиб, куфрга эътиқод қилса. Бо ҳарфи тарк қилинаётган тарафга дохил бўляпти.
(ضَلَّ адашади). Яъни четласа, озса.
(سَوَاءَ السَّبِيلِ тўғри йўлдан). Бу ибора маслак ва йўлнинг ўртаси маъноларини англатади. У фотиҳа сурасидаги
190-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204